Կենտրոնի նպատակն է ուսումնասիրել Վրաստանի պատմությունը, գրականությունը, լեզուն ու մշակույթը, ստեղծել համապատասխան ծրագրեր, անհրաժեշտ դասագրքեր ու ձեռնարկներ, բառարաններ, պատրաստել հայ վրացագետների կադրեր, սերտացնել գիտակրթական կապերը Երևանի և Թբիլիսիի մայր բուհերի միջև: Գիտահետազոտական աշխատանքները հիմնականում նվիրված են հայ-վրաց լեզվական-բառարանագրական առնչությունների, երկկողմ թարգմանությունների, հայ-վրաց գրական-պատմամշակութային կապերի խնդիրներին, հայագիտությանը վերաբերող վրացերեն կարևորագույն աշխատությունների հայերեն թարգմանությանն ու հրատարակությանը պատրաստելուն: