• Մեր մասին
  • ՀՀԻ պատմությունը
  • Կառուցվածք
  • Կանոնադրություն
  • Հայագիտության հարցեր
  • Փաստաթղթեր
  • Խորհրդանիշեր
  • Մենք մամուլում
  • Հետադարձ կապ
  • Արխիվ
• Գրադարան
  • Գրքեր
  • Հոդվածներ
  • Փաստաթղթեր
  • Քարտեզներ
• Հանրագիտարան
  • Հայագիտական
    հանրագիտարան
• Տեսադարան
  • Նկարներ
  • Տեսաֆիլմեր
• Հանդես

 

 ԵՊՀ հայագիտական հետազոտությունների ինստիտուտի նախաձեռնությամբ հուլիսի 11-ին կայացավ հանդիպում Դոնի Ռոստովի «Նոր Նախիջևան» հայկական համայնքի գործադիր տնօրեն, նորաբաց Հայագիտական կենտրոնի տնօրեն, «Ֆոնդ հայազգ» ոչ առևտրային մշակութային-լուսավորչական հասարակական կազմակերպության հիմնադիր նախագահ Սերգեյ Սայադովի հետ:  Վերջինս հանդիպում ունեցավ ԵՊՀ ռեկտոր, Հայագիտական հետազոտությունների ինստիտուտի տնօրեն Արամ Սիմոնյանի և փոխտնօրեն Մհեր Հովհաննիսյանի հետ, որի ընթացքում քննարկվեցին Դոնի Ռոստովի Հայագիտական կենտրոնի աշխատանքային ծրագրի հետ կապված հարցերը:

Միջոցառմանը ներկա էր նաև ՀՀ սփյուռքի փոխնախարար Դավիթ Կարապետյանը, որը հայտնեց  նախարարության կողմից www.hayazg.info նախագծին անհրաժեշտ աջակցություն ցուցաբերելու վերաբերյալ ընդունված որոշման մասին: Իր հերթին ԵՊՀ  ՀՀԻ-ի փոխտնօրեն Մհեր Հովհաննիսյանն ավելացրեց, որ ԵՊՀ ռեկտորի որոշմամբ ՀՀԻ-ի տեխնիկական և մասնագիտական ռեսուրսների հաշվին ևս ծրագիրը աջակցություն կստանա:  

Սայադովը նշեց նաև, որ վերջին օրերին կայացած բանակցությունների ժամանակ  նախնական համաձայնություն է ձեռք բերել Սփյուռքի նախարարության  և ԵՊՀ ՀՀԻ- ներկայացուցիչների հետ համատեղ մոտ ապագայում նախաձեռնել www.hayazg.info-ի հայալեզու, այնուհետև նաև անգլերեն և թուրքերեն տարբերակների պատրաստումը: